પર્યાવરણની સુરક્ષા માટે કટિબધ્ધ

નિષ્ઠા પોતે જ જયારે પણ તક મળે ત્યારે વૃક્ષો વાવવા માટે અગ્રેસર રહે છે. એ તેની સાથે સંકળાયેલ લોકોને મોટા પાયે વૃક્ષો વાવવા માટે પ્રોત્સાહિત કરે છે. આ રીતે તે પર્યાવરણની કાળજી લે છે. નિષ્ઠા દેશને પર્યાવરણ–મિત્ર બનાવવાનો સંદેશ સમાજમાં પહોંચાડવા માટે પોતાનાથી બનતા પ્રયત્નો કરી છૂટે છે. પર્યાવરણને બચાવવા તે એવો માહોલ પેદા કરવામાં સહભાગી બને છે કે જેથી સમાજ આપણા પર્યટન અને તીર્થ સ્થળોને સ્વચ્છ રાખવા પ્રેરાતો રહે.

નિષ્ઠાનું ધ્યેય તેની સાથે સંકળાયેલા તમામ લોકોને કામગીરી માટે આરોગ્યપ્રદ અને તાણમુક્ત વાતાવરણ પૂરું પાડવાનું છે. જો કે તેની પ્રોડક્શન પ્રક્રિયાનો પ્રદુષણ પેદા કરતી પ્રવૃતિ હેઠળ સમાવેશ થતો નથી. છતાં તેની કોઈપણ ઉત્પાદન પ્રક્રિયાઓ દરમિયાન વાયુ પ્રદુષણ ઉદભવવાનું કોઈ જોખમ ન રહે તેનું ધ્યાન રાખે છે અને તેને અચૂકપણે દૂર રાખે છે.

જળનો પ્રવાહ યોગ્ય ડ્રેનેજ લાઈનો અને સેનિટેશન પ્લાનીંગ દ્વારા યોગ્ય રીતે જાળવી રાખવામાં આવે છે. વરસાદનું વધારાનું પાણી યોગ્ય રીતે વહાવવામાં આવે છે કે જેથી પ્રદુષણ ન સર્જાય.

જ્યાં સુધી ધ્વનિ પ્રદુષણનો પ્રશ્ન છે ત્યાં સુધી નિષ્ઠાના મશીન્સમાં ધ્વનિ પ્રદુષણ સુરક્ષાના ધોરણોના સૌથી કડક નિયમોનું પાલન કરવામાં આવે છે. ધ્વનિ પદુષણની શક્યતાને લઘુત્તમ બનાવવા નિયમિત ચકાસણી હાથ ધરવામાં આવે છે.

નિષ્ઠા માને છે કે વૈશ્વિક હવામાન પરિવર્તનની સમસ્યાનો હલ લાવવા માટે આપણે પોતાના નાનકડા પ્રયત્નો દ્વારા કાર્બનની તીવ્રતા ઘટાડીને ફાળો આપી શકીએ છીએ. જે નીચે જણાવ્યા અનુસાર કરી શકાય :